நீரோடை மலிக்கா அவர்கள் எழுதிய சவால் கவிதை.

நீரோடை மலிக்கா அவர்கள் எழுதிய சவால் கவிதை.
 குழந்தைகள் பற்றி நாங்கள் அழைத்திருந்த
அதிரடி கவிதை போட்டிக்கு நீரோடை மலிக்கா அவர்கள்
அனுப்பிய கவிதை ....

உன்னத மலர்கள்...

சின்ன மலர்களே! செல்ல மலர்களே!
சிரித்து மகிழ்ந்திடும் சிவந்த மலர்களே!

அன்பும் பாசமும் நிறைந்து இருக்கனும்
ஆலைபோலவே தழைத்து வாழனும்
இரக்கம் ஈகையும் நிறைந்து இருக்கனும்
உழைப்பும் ஊக்கமும் தொடர்ந்து இருக்கனும்
எளிமை ஏற்றமும் சகித்து வாழனும்
ஐயமின்றியே துணிந்து வாழனும்
ஒழுக்கம் ஓர்மையும் சிறந்து இருக்கனும்


தாய் தந்தையை மதித்து வாழனும்
தரணி போற்றவே தலை நிமிரனும்
துயரங்கள் வந்தால் தூளாக்கனும்
துணிந்த காரியம் வெற்றியாக்கிடும்


கெடுதிகள் கண்டால் தூர விலகனும்
கேடு நினைபோரை நல்வழிப்படுத்தனும்
கல்வி கற்பதில் சிறந்து விளங்கனும்
காலம்கடந்தும் உங்கள் பெயர் நிலைக்கனும்


தீமைகள் களைந்து நன்மை சேர்க்கனும்
தெளிவான பாதையை உணர்ந்து நடக்கனும்
உங்கள் எண்ணங்கள் உயர்ந்து இருக்கவே
உள்ளன்போடு இறைவனை வணங்கனும்...

அன்புடன் மலிக்கா.