கறார் வாத்தியாரான உச்ச நீதிமன்றம்

இந்த வார ஹிட் செய்தி:
பீகார் சட்டசபையில் எதிர்க்கட்சி அந்தஸ்து  எந்தக்கட்சிக்கும் இல்லை. 
இடித்துரைக்கும் எதிக்கட்சி இல்லா மன்னன் நிதீஷ் குமார்.
(திருக்குறள் படியுங்கள், மனச்சாட்சியே எதிர்க்கட்சியாகும்.)

இந்த வார கலாட்டா:
அசோக் சவாண்,ஆ.ராஜா,ரோசய்யா ஆகியோர் பதவி இழந்ததற்கும், எடியூரப்பா பதவி தப்பியதற்கும்,  நிதீஷ் குமார் மீண்டும் ஆட்சியை பிடித்ததற்கும் சமீப குருப்பெயர்ச்சியே காரணம்
- ஜோதிடர்கள்..
(ஆகா... கிளம்பிட்டாங்கய்யா...கிளம்பிட்டாங்க.....)

கறார் வாத்தியாரான உச்ச நீதிமன்றம்:

 அரசு நிர்வாகத்தில் ஒட்டுமொத்தமாக தோல்வி என்று வரும்போதும், மக்களுக்கு உதவ வழியில்லை என்றபோதும் தான் நீதிமன்றங்கள் தலையிடுகின்றன.
- உச்ச நீதிமன்றம்.

சமீப காலங்களில் கறார் வாத்தியாராக உச்ச நீதிமன்றம்  எழுப்பும் கேள்விகள் ஏராளம். வைக்கும் கொட்டுக்கள் ஏராளம். 
பதில் அளித்த விதத்தில் மத்திய அரசு; மக்கு மாணவனா, சமத்து மாணவனா? நீங்களே சொல்லுங்களேன்.
(கிடங்குகளில் சேமித்து வைக்கப்பட்டிருக்கும் உணவுப்பொருட்கள் தொடங்கி, ஸ்பெக்ட்ரம் வரை  உச்ச நீதிமன்றம் கேட்ட கேள்விகளை யாரேனும் தனிப்பதிவாக அலசலாமே?).

கொசுறு கேள்வி:
உச்ச நீதிமன்றம் மத்திய அரசை அறைந்தது, என சில ஊடகங்கள் செய்தி வெளியிட்டுள்ளன.  அறைந்தது என்றால் என்ன அர்த்தம்?

(இந்த கேள்வியை எழுப்பியதும்  உச்ச நீதிமன்றமே )


செய்தியை நீங்களே யூகித்துக்கொள்ளுங்கள்...
விமர்சனம் மட்டும் இங்கே....
என்ன பசுபதி... பேச்சு; நாட்டாம குடும்பத்து பேச்சு மாதிரி இல்லையே....

இந்த பொதுஜன கேள்வி:
பழைய விலையில் 2 ஜி ஸ்பெக்ட்ரம் உரிமை பெற்று, லாபம் பார்த்தவர்களில் ஒருவர் கூட தமிழர் இல்லையாமே, உண்மையா?

இந்த வார ஹைக்கூ:
 பசியுடன் படுத்தாலும்
வயிறு நிறைந்திருக்கும்
அம்மாவின் ஞாபகம்.
- கா.கீ. சதீஷ் குமார்.





உதிரிப்பூக்கள்: 
வி.ஏ.ஓ. தேர்வு , தமிழகத்தில் பிப்ரவரி 20 அல்லது மார்ச் 6 இல் நடத்த டி.என்.பி.எஸ்.சி. திட்டம்.

சீனாவில் நடைப்பெற்ற 16 வது ஆசிய விளையாட்டுப் போட்டிகளில் இந்தியா 64 பதக்கங்களுடன் 6 வது இடம் பிடித்தது.
 
எல்.ஐ.சி. ஊழல் காரணமாக , முதலீடு செய்தவர்களுக்கு ஒரு காசு கூட நஷ்டம் ஏற்படாது. - பிரணாப் முகர்ஜி.
 
தமிழக கனமழையால் இதுவரை உயிரிழந்தவர்களின் எண்ணிக்கை 95.