நீயும் நானும் - நானும் நீயும் - தமிழ்த்தேனீயின் கவிதை.

காணும் இடத்தில் இல்லை
கற்சிலைகளிலும் இல்லை
வானும் பூமியும்
வலம் வந்தாலும்
தென்படுவதொன்றுமில்லை
கடவுள் என்ற ஒன்று!

உலகின் வல்லமை ஆயுதமா?
உணர்வீர் தோழர்களே...

உலகையே ஆளும் வல்லமை
சர்வ நிச்சயமாய்

அன்பே தான்! உயர் அன்பே தான்!

செல்வத்தை வாரிக்கொடுப்பதால்
மட்டும் வள்ளல் அல்லவே!
கள்ளமில்லா அன்புதனை
அள்ளிக் கொடுப்பவரும்
வள்ளல் அல்லவோ?

இருப்பதைக் கொடுத்து
இதயத்தைத் தெரிவிப்போம்!

அன்பால் அனைவரும்
வள்ளல்கள் தாம்.
அன்பு காட்டி
கடவுளை காண்பிப்போம்.
நம்முள்ளே..
நமக்குள்ளே!

 -கவிதையாக்கம்.
  தமிழ்த்தேனீ.