இரத்த சரித்திரம்..

அதிகாலை பனியில்
மூச்சிரைக்க
சைக்கிள் மிதித்து
பேப்பர் போடும் பையன்;

கையில் உள்ள
சில்லறைகளை
இறுக்கப் பிடித்தப்படியே
நகர பேருந்தை
தேர்ந்தெடுத்து
ஏறும் சிறுவன்;

பாக்கெட்டில் உள்ள
காசினை
எண்ணி தந்துவிட்டு
பின் "ஒரு டீ"எனஆர்டர் கொடுக்கும்
கல்லூரி மாணவன்;



நூலகத்தில்
தேநீர் கொண்டு
பசியடக்கி
போட்டித்தேர்வுக்கான
புத்தகங்களில்
தவமிருக்கும் இளைஞன்;

இப்படியாய்
யாரேனும் ஒருவரை
யாங்கேணும்
காண நேர்கையில்


தவிர்க்க இயலாது
நினைவுக்கு வருகிறது
என் இளமைக்காலம்...




- எஸ்.பாரத்.
உலகில் வேறு எந்த பல்கலைக்கழகமும் கற்றுக் கொடுக்காத; வாழ்க்கைப் பாடங்களைத் தெளிவாகக் கற்றுக் கொடுக்கும் "வறுமை" எனும் பல்கலைக் கழகத்தில் பயின்றவன்.