மிரட்டல்.. By ஜன்னத்துள் பிர்தௌஸ் எட்டாம் வகுப்பு-ஈ பிரிவு.

ஒரு முன் கதைச் சுருக்கம்:

"இது வரைக்கும் எத்தன கவித குடுத்துருக்கேன். 
ஏ(ன்)  இன்னும் ஒரு கவித கூட போடல..."

"இல்லமா ... ஜன்னத்துள், டைமே கிடைக்கல,  கண்டிப்பா வெளியிட்டறோம்,
நீ நாளாக்கி வந்து பாரு, வலைப்பூவில் வெளியான கவிதை-னு  உங் கவிதை நாளக்கி நம்ம ஸ்கூல் நோட்டிஸ் போர்ட்-ல இருக்கும்"

(கவிதை நல்ல இல்லைனா, பின்னூட்டத்தல்  பின்னி எடுக்கப் போறது, என்னத்தானே,
கவித வெளியானா அவுங்க திட்டுவாங்க.. இல்லைனா நீ திட்டுவே, என்ன தா(ன்) பண்ணறது...  அவ்வ்வ்வ்வ்...)   
********************************************************************************************

அழகு...

மயிலுக்கு தோகை அழகு,
முள்ளுக்கு மலர் அழகு,
சொல்லுக்கு செயல் அழகு,
பெண்ணுக்கு புகழ் அழகு!

மலர்...
வாசம் இல்லாத மலர்,
வசந்தத்தை தேடும்...
மலர்களில் மணம் வீசுவது மல்லிகை:
நட்பின் மீது வைப்பேன் புன்னகை...

தோழி...
நூறு கோடி , நூறு கோடி மக்கள் கூட்டத்தில்
என் தோழிகளே ரோஜாக்கூட்டம்....

கல்வி...
கடவுள் கொடுத்த வரம் கல்வி
அதை அழகாக்குவதும்
அறிவாக்குவதும்
நம் கையில்...

பூக்களில் மணம் உண்டு!
கடலில் வண்ணமீன்கள் உண்டு!
வானில் விண்மீன்கள் உண்டு!
என் மனதில் கல்வியும் உண்டு!...

அறிவுக்கு அழகு கல்வி
கல்விக்கு அழகு மனிதன்...


பூக்கள்....

பூவே உன்னைப் பார்க்கும் போது
என் தோழியைப் பார்க்கிறேன்!
பூவே உன் போல் அவளும் மலர் தான்
மணம் வீசி, மகிழ்ச்சியை
அனைவருக்கும் பரப்புவதால்...