வலையுலக பிரம்மாக்கள்...-

                                  
இந்த வாரம் வலைப்பூக்களில் ஊடே வலம் வந்தப்போது என்னை பிரம்மிக்க வைத்த பதிவர்கள் பற்றிய பகிர்வு. 

வலை வலம் இன்னமும் தொடர்ந்துக் கொண்டிருப்பதால் இதன் பட்டியல் நீளும்.
 

எந்தப் பொருள் பற்றி எழுதினாலும், மிக கலக்கலாய் எழுதி, பல் பொருள் வித்தகனாகத் திகழும் கே.ஆர்.பி. செந்தில்  , என்னை ஆச்சர்யப்படுத்தும் பதிவர்களில் ஒருவர். இவரின் சமீப அரசியல் கவிதையின் காரம் இன்னும் ஜீரணமாகவிலை.

எந்த வலைப்பூவிற்கு சென்றாலும் அந்த வலைப்பூவை பின் தொடர்பவர்களின் பட்டியலில் இருக்கிறார்.

கே.ஆர்.பி. செந்தில் உருவம், ரமணா படத்தில் வரும் விஜயகாந்த் போல இருக்கும்  என்பது என் கற்பனை.

எங்கள் முந்தைய பதிவான ரத்த சரித்திரம் http://bharathbharathi.blogspot.com/2010/11/blog-post_08.html கவிதைக்கு   கே.ஆர்.பி. செந்தில் என்ன பின்னூட்டம் எழுதுவார் என ஆவலாய் காத்திருந்து ஏமாந்தது தான் மிச்சம்.

நாங்கள் கோவை என்கவுண்டர் பற்றிய தினமலர் செய்தியை வெளியிட்டு, ஆரூரன் விசுவநாதன் கையால் கொட்டு வாங்கிய வலியோடு வலைப்பூக்களை வலம் வந்து கொண்டிருந்தப் போது   என்னை கவர்ந்தவர்  மங்குனி அமைச்சர்.

என்கவுண்டர் பற்றிய எனது கருத்தை பிறகுச் சொல்கிறேன்  என்று ஆரம்பித்து விட்டு, என்கவுண்டர் சரி என்றுச் சொல்பவர்கள் பாசிட்டிவ் ஓட்டுப்போடுங்க, தப்புனு சொல்பவர்கள் நெகடிவ் ஓட்டுப்போடுங்க-னு ரெண்டு வரி எழுதி விட்டு கல்லா கட்டிவிட்டார். 
கக... போ...

அப்புறம் உண்மைத் தமிழன். 
இவர் இட்லி- தோசை-பொங்கல்-வடை-சட்னி-சாம்பார் என பதிவிட்டதைப் பார்க்கும் போது,அவைகள் அத்தனையையும் தனிப் பதிவுகளாக போட்டிருக்க வேண்டிய விஷயங்கள்தான் என்றுத் தோன்றியது. நிறைய விஷயங்கள் பற்றி பதிவுகளை எழுதியுள்ளார். கொஞ்சம் அசைவ நெடி அடிப்பதால், முக சுழிப்பு உண்டானதையும் உணர முடிந்தது என்னால்.(கேட்டால் அதைத்தான் விரும்புகிறார்கள் என்பாரோ..) 


அப்புறம் அதீத கனவுகள் வி.ராதா கிருஷ்ணன். ,
உண்மையை யார்தான் உண்மையாய் இருந்திட விட்டது என்ற முகப்புரையுடன் துவங்கும் இவரின் வலைப்பூ பதிவுகளின் வேகம் ஆச்சர்யம். நுனிப்புல் தொடர் கதையின் இரண்டாம் பாகம் முடித்து, மனுஷன் மூன்றாம் பாகத்திற்கு தயாராகி விட்டார்.
எப்படிச் சாமி டைம் கெடைக்குது உங்களுக்கு..
 
புதிய தலைமுறைகள் வார இதழில் வலைப்பதிவர்கள் பற்றி, மிக துல்லியமான் , விரிவான கட்டுரையை எழுதியிருந்த யுவகிருஷ்ணா  என்னை ஆச்சர்யப்பட வைத்த இன்னும் ஒரு வலைப்பதிவர்.

“...........மூன்றாவது வலைப்பதிவிலேயே சரக்கு காலியாகி, டைரி லெவலுக்கு வந்து, பின் பத்திரிகைகளில் வந்ததை எடுத்துக் காப்பி-பேஸ்ட் செய்பவர்களும் உண்டு........”  இது அவரின் கட்டுரையிலிருந்த வரிகள்.

(பட்டியல் தொடரும்)


-ஆச்சயர்ங்ளுடன்...  மிட்டாய் கடையை பார்த்து அசந்த பட்டிக்காட்டான்.