யார் தவறுக்கு யாருக்கு தண்டனை? உமா மகேஸ்வரி.எம்.

ஒரு இருபத்தைந்து
வயதாகி
இருந்திருக்குமா
இப்போது
உனக்கு...

மருத்துவம்
சட்டமோ
தொழில்நுட்பமோ
படித்திருப்பாயோ என்னவோ...

வாரணமாயிரம்
சூழ வலம் வந்து
திருமணம்
நிகழ்ந்திருக்குமோ
என்னவோ;
அல்லது
அதையும் தாண்டி
குழந்தைகள் பெற்று
அதற்கு
அகரம்
எழுத
பயிற்சி அளித்துக்கொண்டிருப்பயோ
என்னவோ...

சின்ன சின்ன வார்த்தைகள் கோர்த்து
எனக்காக ஒரு கவிதை
நெய்துக்கொண்டிருப்பாயோ
என்னவோ...

இதுவோ
அல்லது வேறு எதுவோ
இந்த கணத்தில்
நீ
செய்துக்கொண்டிருக்கக்கூடும்;
ஒரு வேளை
யாரோ செய்த தவறுக்காய்
போபால் விஷ வாயு
சுவாசித்து
மரிக்காமல்
இருந்திருந்தால்...



-ஏதோ ஒரு இந்திய தாய்க்கான வலியோடு
உமா மகேஸ்வரி.எம்.