மன்(மோகன்) அம்பு - இது அரசியல் வம்பு.

கடந்த 2010 ஆண்டினை கலங்கடித்த, பிரபலங்கள் பற்றிய கேள்விகள்
இவை, சிலவற்றிற்கு இன்னும் பதில் கிடைக்கவில்லை, மக்களின் மறதிக்காக காத்திருக்கிறார்களோ என்னவோ?

மன்மோகன் சிங்
விலைவாசியை குறைக்கச்சொல்லி,உங்க அமைச்சரவையில் உள்ள சரத்பவாருக்கு ஒரு கடிதம் எழுதுனீங்களே....நல்ல ஐடியாங்க. ஆனா காரியம் ஒண்ணும் நடந்த மாதிரி தெரியலையே?
- உங்களுக்கு கீழ் இருக்கிற அமைச்சருக்கே, கடிதம் எழுதிதான் விலைவாசி நிலவரத்த சொல்ல வேண்டியதா இருக்கே. பாவங்க நீங்க. அதெல்லாம் இருக்கட்டும் அந்த லட்டர்ல மானே, தேனே அப்படினு போட்டிங்களா?
 :

சுரேஷ் கல்மாடி
போன வருஷ சாம்பியன் நீங்களா, லலித் மோடியா?

இசையமைப்பாளர் ஜி.வி.பிரகாஷ்
மதராசப்பட்டினம் படத்தில் வரும் இது பூக்கள் பூக்கும் தருணம் பாடல், ஹே ராம் படத்தில் இளையராஜா தந்த "இசையில் தொடங்குதம்மா" பாடலை ரொம்பவும் ஞாபகப்படுத்துகிறதே. அது சுட்ட பழமா?
 

கருணாநிதி
வெங்காய விலை அதிகமானது ஏன்னு கேட்டதுக்கு, போய் பெரியார கேளு அப்படினு சொன்னீங்க, டெலிபோன் கட்டணம் உயர்ந்தால் அலெக்ஸாண்டர் கிரகம்பெல் கிட்ட போய் கேட்கச்சொல்லுவீங்களா?
  -கேள்வி உபயம் விகடன்.
 

சோனியா காந்தி
ஊழலை ஒளிப்போம் அப்படினு வீர ஆவேசமா பேசுனீங்க, ஒளிப்பதற்கு அர்த்தம் மறைச்சு வைக்குறதுங்களா? நடக்குறது உங்க ஆட்சி தானுங்க, அப்புறம் எதுக்குங்க பஞ்ச் பேசிட்டு, ஆக்சனுக்கு வாங்க.

ரஜினி காந்த்
தலைவா அந்த விருந்து?

பிரதீபா பாட்டில் மற்றும் மீரா குமார்

இந்தியாவை வல்லரசு பட்டியலில் சேர்க்கறதுக்கு பதிலா, பாராளுமன்றத்தை முடமாக்கி; நாட்டை, மாற்றுத்திறனாளிகள் பட்டியல
சேர்த்துருவாங்க போல இருக்குங்களே? உங்கள மாதிரி ஜனாதிபதி, சபாநாயகர் பதவில இருக்கிறவங்க எப்பவாவது ஏதாவது செய்வாங்க, நீங்க இப்பவாவது ஏதாவது செய்வீங்களா?

 நீதிபதி ரவிராஜ பாண்டியன்
அடுத்த வருஷமே வரப்போகுதுங்க, தனியார் பள்ளிகளின் கட்டண விபரத்தை நீங்களாவது சீக்கீரம் சொல்லுவீங்களா?

 ஜெயலலிதா
 நாடாளுமன்ற தேர்தலின் ஈழம் பற்றிய உங்கள் பேச்சை பொது மக்கள் நம்பல, ஊழல் எதிர்ப்புக்கு நீங்கதான் சரினு நிரூபிக்க இப்ப உரக்க பேசுறீங்க , நம்புவாங்களா இந்த மக்கள்?

 வலையுலக பதிவர்கள்
 தெரியாம தான் கேட்கிறோம், சாருவுக்கும், உங்களுக்கும், என்னங்க பிரச்சனை?


இன்றைய அரசியல் பற்றிய எமது வலைப்பூவின் முதல் பதிவு இது.இம்மாதிரி பதிவுகளை தவிர்க்கலாம் எனில் சொல்லுங்கள்.இந்த பதிவுக்கும் வாக்களித்து ஆதரவு கொடுக்க வேண்டுகிறோம்.