வீரத் துறவியும், தெருவோர இளைஞனும்...

கால்பந்து ஆட்டக்களத்தில் 

உடலுக்கு உரம்

சேர்க்கச் சொன்னது 

உனது உரைகள்...

தொலைக்காட்சித் தவத்தால்

வயிறுப் பெருத்து, 

வாழ்க்கைச் சிறுத்து, 

மானாட, மயிலாட களத்திற்கு 

உரம் சேர்ப்பது 

எங்களின் "கெமிஸ்ட்ரி"

"தேசம், மக்கள் 

இவையே நம் தெய்வங்கள்; 

மற்றெல்லா தெய்வங்களும் 

மனதை விட்டு அகலட்டும்" 

இவை உன் வார்த்தைகள்.

அரிதாரம் பூசுபவர்களையும் 

அவதாரங்களில் சேர்த்து 

தெய்வங்களின் பட்டியலை

நீட்டித்துக்கொண்டது

எங்களின் நிகழ்காலம்...

உன்னுடைய 

"சித்தாந்த முகவரி"யிலிருந்து 

அரசியல் முடிவுகள் 

வந்தது அந்தகாலம்....

"பவர் புரோக்கர்"

பெண்மணியின் 

நுனி நாக்கு ஆங்கிலத்திலிருந்து 

முடிவுகள் 

வருவிக்கப்படுவது 

எங்கள் காலம்.

எழுமின், விழிமின் என 

கொதித்த சில உத்தமர்களுக்கு 

ரத்தக்கொதிப்பு வந்தது மட்டும் 

மீதம்.

குருஷேத்திரத்தில் 

இது  மாயக்கண்ணன்களின் காலம்;

நாங்கள் வீர அபிமன்யுவாக

மாற்றப்பட்டு,

மரிக்க வேண்டியிருக்கிறது.

தலைவர்களால்

முதுகெலும்பு உருவப்படாமல் 

மிச்சமிருக்கும் 

நூறு பேர் 

இப்போது தயார்..

அடுத்த போர் என்பது 

அது எந்த தலைவரின் கீழும் அல்ல;

எங்கள் போரே 

தலைவர்களை 

எதிர்த்து தான்...

***********************************************************************************

தொடர்புடைய மற்ற பதிவர்களின் படைப்புக்கள்:

மாணவன்.

கலியுகம்.