இன்றைய தேதிக்கான TOP TEN பாடல்கள்..

எல்லா மனிதர்களுக்குள்ளும் மீண்டும் குழந்தையாக வேண்டும் என்ற ஆசை உள் மனதில் நிச்சயம் உறைந்திருக்கும்.அதனால் தான் நாம் தூங்கும் போது குறுகி படுக்கிறோம். தாயின் கருவறையில் இருந்த, இருப்பதான ஆள்மன வெளிப்பாடு அது.

மீண்டும் குழந்தையாக மாறுவது என்பது நடைமுறை சாத்தியம் இல்லை என்பதால் குழந்தைகள் பற்றிய திரைப்பட பாடல்களை 'பாடல் வரிசை பத்து' என வரிசைப்படுத்தி ஆறுதல் தேடலே இந்தப் பதிவு.

பாடலும் பிடித்த வரிகளும்...

1. அஞ்சலி, அஞ்சலி.......
( ஆகாயம் பூமியெல்லாம் இறைவன் உண்டாக்கி வைத்து, ஆசை தான் தீராமலே உன்னை தந்தானம்மா...)
படம்:அஞ்சலி. பாடலாசிரியர் : வாலி.

2.பூவே பூச்சூடவா, எந்தன் நெஞ்சில் பால் வார்க்க வா...
(இந்த பொன் மானை பார்த்துக் கொண்டே சென்று நான் சேர வேண்டும்....மீண்டும் ஜென்மங்கள் மாறும் போது, நீ என் தாயாக வேண்டும்...
இந்த கண்ணீரில் சோகம் இல்லை)  
படம்:பூவே பூச்சூடவா பாடலாசிரியர் :வைரமுத்து.

3.ஒரு தெய்வம் தந்த பூவே.... கண்ணில் தேடல் என்ன தாயே...
(சின்ன இடியும் நீ, செல்ல மழையும் நீ, மரணம் ஈன்ற ஜனனம் நீ..
மற்றும் பல வரிகள்)
படம்:கன்னத்தில் முத்தமிட்டால்.. பாடலாசிரியர் :வைரமுத்து.

4.பிள்ளை நிலா, இரண்டும் வெள்ளை நிலா...
(ஆளான சிங்கம் ரெண்டும் கை வீசி நடந்தால், காலடியில் பூமியெல்லாம் வணங்கும்.. உங்களால் தானே உயிர் சுமந்தேனே..)   
படம்:?  பாடலாசிரியர் :?

5.சின்ன தாயவள் தந்த ராசாவே.. முள்ளில் தோன்றிய ரோசாவே..
(தெய்வக் கோயிலை சென்று சேருமோ..
வெயில் வீதியில் வாடக்கூடுமோ...)
படம்:தளபதி.  பாடலாசிரியர் : வாலி.

6.இது சங்கீத திருநாளோ, புது சந்தோஷம் வரும் நாளோ..
(பூவெல்லாம் இவள் போல அழகில்லை, பூங்காற்று இவள் போல சுகமில்லை, இவள் தானே நம் தேவதை..
செல்லம் கொஞ்சித் தமிழ் பாடுவாள் தோள்களில் கண்களை மெல்ல மூடுவாள் உறங்கும் பொழுதும் என்னைத் தேடுவாள் ..... )
படம்:காதலுக்கு மரியாதை. பாடலாசிரியர் : பழநி பாரதி.

7.இரவு பகலைத் தேட.. இதயம் ஒன்றைத் தேட...
(அன்னை இல்லா பிள்ளைக் கண்டால்,
பிள்ளை இல்லா அன்னை கண்டால்,
அன்பே இல்லா உலகம் கண்டால்..
அச்சச்சோ...)
படம்:கண்ணுக்குள் நிலவு. பாடலாசிரியர் : பழநி பாரதி.

8.சின்னஞ் சிறு கிளியே கண்ணம்மா..செல்வக்களஞ்சியமே...
(கன்னத்தில் முத்தமிட்டால் உள்ளம் தான் கள் வெறி கொள்ளுதடி.. உன்னை நினைக்கையிலே கண்ணம்மா உன்மத்தம் ஆகுதடி...
படம்:?. பாடலாசிரியர் : மகாகவி பாரதியார்.

9.சிந்திய வெண்பனி சிப்பியில் முத்தாச்சு என் கண்ணம்மா..
(என் மகன் காவிய நாயகனே.. என்னுயிர் தேசத்து காவலனே..)
படம்:பூந்தோட்டக்காவல்காரன் . பாடலாசிரியர் : ?

10.இதனை உங்கள் விருப்பத்திற்காக காலியாக உள்ளது.. நிரப்புங்களேன்...


டிஸ்கி1:இன்று குழந்தைகள் தினம், எனவே  இன்றைய தேதிக்கான டாப் டென் பாடல்கள்.. என்ற தலைப்பு.

டிஸ்கி2: சில பாடல் இடம் பெற்ற படம், பாடலாசிரியர் பெயர் தெரியவில்லை. உங்களுக்கு தெரிந்தால் சொல்லவும். 

டிஸ்கி3:இந்த பதிவு உங்களுக்கு பிடித்திருந்தால் மறவாமல் இன்ட்லியில் ஓட்டுப் போடவும், எங்கள் பதிவுகள் பிரபலப்படுத்தப்பட்டு ஒரு நூற்றாண்டு ஆகி விட்டது...