பிரச்சாரத்தில் தனது கட்சி வேட்பாளரை அடித்த விஜயகாந்த்.

சினிமா நடிகர், நடிகைகள் இந்த தேர்தலில் பிரச்சாரம் செய்கிறேன் என்ற பேரில் ஏகப்பட்ட பிரச்சனைகளுக்கு தீனியாகி கொண்டிருக்கிறார்கள். (2011 நமக்குத்தான் என்றதன் அர்த்தம் இது தானோ?)

திருவாரூர் திமுக பொதுக்கூட்டத்தில் மொக்க சாமி வடிவேலு 
ஏகத்துக்கு வம்பு பேசி, வழக்கு கண்ட மாவீரனாகவும் மாறியாச்சு, தன் பிரச்சாரத்தால், தமிழன்னையை பீதிக்குள்ளாக்கிய "அவதாரபுருஷி" குஷ்பும் வழக்கு வாங்கியாச்சு.

அகில உலக சுனாமி சூப்பர் ஸ்டார், ஜே.கே. ரீத்தீஷ் கூட, வழக்கு வாங்கி, களி திங்கவும் போயாச்சு.

இப்போது நமது விஜயகாந்த் அவர்களும்  தனது கட்சி வேட்பாளரிடம், தன்னுடைய ஹீரோயிச வித்தையை காட்டியிருக்கிறார்.

இதன் நேரடிக்காட்சிகள், இந்திய தொலைக்காட்சிகளில் முதல்முறையாக என்ற பில்டப் ஏதுமின்றி , இப்போதைய (29-03-11 இரவு பத்து மணி) மக்கள் செய்திகளில், ஒளிபரப்பானது. (இதே வீடியோ சன் டிவிக்கு கிடைத்திருந்தால், சாமியாருக்கு கிடா வெட்டியது போல, பொங்க வைத்திருப்பார்கள்)

இன்றைய பிரச்சாரத்தின் போது, தன்னுடைய தேமுதிக தர்மபுரி வேட்பாளரை சரமாரியாக விஜயகாந்த் அடித்த காட்சிகளை பார்க்கும் போது உண்மையிலேயே வருத்தமாகத்தான் இருக்கிறது. (இந்த காட்சிகளின் உண்மைத்தன்மையை இனி தான் வெளிப்படுத்த வேண்டும்)
குடி போதையில் விஜயகாந்த் இவ்வாறு வேட்பாளரை அடித்ததாக மக்கள் செய்திகளில் சொன்னார்கள்.

அதிமுக மற்றும் விஜய் ரசிகர் மன்ற கொடியை, விஜயகாந்த் இறக்கச்சொல்லும் காட்சியையும் மக்கள் தொலைக்காட்சி ஒளிப்பரப்பியது.

விஜயகாந்த் கொங்கு என்பதை நொங்கு என கிண்டலடித்தது, பாமக வின் போராட்டங்களை கிண்டலடித்தது ஏற்கனவே பிரச்சனையை கிளப்பியுள்ள நேரத்தில், வேட்பாளரை விஜயகாந்த் அடித்த விஷயத்தை, அவரும், அதிமுகவும் எப்படி கையாளப் போகிறார்கள், என்பது தெரியவில்லை. (இவரு அதிரடியில் அம்மாவை மிஞ்சி விடுவார் போல)

சினிமாவில் , சுவற்றில் கால்வைத்து, சுழற்றி சுழற்றி அடிக்கும் அண்ணன் விஜயகாந்த், நிஜத்தில் தன் பிரச்சார வேனுக்குள் வைத்து அடித்தது சொந்த கட்சியின் "புள்ள பூச்சியை"  என்பதால் வழக்கு வருமா என்பதை பொறுத்திருந்து தான் பார்க்கவேண்டும்.