கனம் கோர்ட்டார் அவர்களே...

இங்கே ஒரு தரப்பு வாதம் வைக்கப்படுகிறது.எதிர்தரப்பாக ஆஜராகி வாதாட நீங்கள் தயாரா?

தர்மத்திற்கும்,அதர்மத்திற்குமான போரில்; வெறுமனே வேடிக்கைப் பார்ப்பவர்கள், அதர்மத்திற்கு துணையாக நிற்பவராகிறார்கள் என்பது பகவத் கீதை.
என்ன செய்வதாய் உத்தேசம்....

கனம் கோர்ட்டார் அவர்களே...
கறைபடியாத கையாக
இருக்கத்தான்
ஆசைப்பட்டேன், 
விட்டார்களா என்னை
இந்த மண்ணின் மைந்தர்கள்...
 
மக்களே;
நீங்கள் தான் என் கரங்களில்
கையூட்டு சொருகி
தூய்மைக்கு தார் ஊற்றினீர்கள்...
 
நேர்மையாய் இருந்த நாட்களில்
"பொழைக்கத் தெரியாதவன்"
என என் முதுகுக்குப் பின்
முத்திரைக் குத்தினீர்கள்...
 
 உங்கள் வேலைகள்
சுலபமாய் முடிய
என்னை 
உங்கள் குறுக்கு புத்தியால்
என்னை 
குறுக்குப் பாதையில்
பயணிக்க வைத்தீர்கள்.
பாதை மாறிய பின்
என்னை அரவணைத்து
"அன்பளிப்பு" காட்டினீர்கள்.
 
அன்றாட அலுவலக செலவுகளுக்கான
அரசாங்கம் தருவதை வைத்து
குண்டூசியின் முனை
கூட
வாங்க முடியவில்லை; 
அதற்க்காகவும்
கை நீட்டினேன்...
 
நெல்லுக்குப் பாய்ந்தது
கொஞ்சம் வீடு வரையும்
நீண்டது.
 
 உங்களில் உத்தமர் முதலில்
என் மீது கல் எறியட்டும்..,
முதலில் நீங்கள் திருந்துங்கள்
பின்னர் நாங்கள் மாறுகிறோம்..
இப்படிக்கு....
பணம் தந்தால் மட்டுமே பெயர் சொல்லுவேன்...
 

நீதிபதி: நர்மதா அனந்தகுமார்.
 
பின்னூட்டங்கள் ஊழல் உலக நாதன்-களுக்கும், லஞ்ச லாவண்யா-களுக்கும் எதிராக இருக்குமா அல்லது ஆதரவாக இருக்குமா?