மனிதன் என்பவன் தெய்வமாகலாம்...

குரங்கிலிருந்து மனிதன் பிறந்தான், ஏன் மற்ற உயிரினங்களிடமிருந்து; சிங்கத்திலிருந்து, நாயிடமிருந்து, நரியிடமிருந்து, குதிரையிடமிருந்து பிறக்கவில்லை...

குரங்குதான் அடுத்த கட்டத்திற்கு மாறுவதற்கான முயற்சியில் ஈடுபட்டது.நின்றது, நடந்தது, குதித்தது, மரம் ஏறியது, நிமிர்ந்தது. பரிமாணம் பெற்றது.

முயற்சி செய்ததால் ஒரு விலங்கு இனம், பரிமாண வளர்ச்சி பெற்று மனிதனாக மாற முடிந்தது. எனில் ஏன் மனிதனால் தெய்வமாக மாறமுடியாது.

அறிந்துக் கொள்ளுதலும், புரிந்துக் கொள்ளுதலும் முழுமைப்பெற, முயற்சி செய்தால் நிச்சயம் இது நிகழும்.

முயற்சி என்பது சுவாசம் போல் எப்போதும் இருக்க வேண்டும். முயற்சி நின்று போகும் போது ஒருவன் உயிர் இழந்தவனாகிறான்.

தோற்றுப்போனவனை பாராட்டுங்கள். முயற்சி செய்யாதவனை விட , தோற்றவன் நூறு மடங்கு சிறந்தவன்.

நின்று கொண்டிருக்கும் நீரில் தான் அழுக்குகள் சேரும். நீரோட்டம் என்பது நதிக்கு உயிரோட்டம். முயற்சி என்பது வாழ்க்கைக்கு உயிரோட்டம்.


"நின்ற இடத்தில் நிற்க வேண்டுமா? ஓடிக்கொண்டே இரு " என்பது ஒரு பழமொழி.

மனிதன் தெய்வமாக முயற்சிக்காவிட்டால் கூட
பரவாயில்லை, மீண்டும் மிருகமாக மாறாமல் இருந்தாலே போதும்.

- பாரதீ..

6 கருத்துரைகள்:

cheena (சீனா) said...

அன்பின் பாரதி

கட்டுரை அருமை - முயற்சி திருவினை ஆக்கும் - உண்மை - எண்ணங்கள் அருமை - விலங்கு மனிதனாக ஆனது - ஏன் மனிதன் தெய்வமாக ஆக முடியாது ... நல்ல சிந்தனையில் விளைந்த நல்ல கேள்வி - நிச்சயம் முடியும் - பல பேர் மாறித் திகழ்கிறார்கள்.

ஒற்றுப்பிழைகள் - வலி மிகும் இடங்கள் - தவறுகள் தவிர்க்கலாமே

//தோற்றுப்போனவனை பாராட்டுங்கள். முயற்சி செய்யாதவனை விட , தோற்றவன் நூறு மடங்கு சிறந்தவன். // அருமை அருமை

நல்ல சிந்தனை - நல்வாழ்த்துகள்
நட்புடன் சீனா

Vaijayanthi said...

Really nice!! "Praise the looser since he is far better than the one who never tries" is really great!!Kudos for the encouraging staff!!

வி.என்.தங்கமணி, said...

உண்மை.
நன்றி.
வாழ்க வளமுடன்.

பாரத்... பாரதி... said...

சீனா... அவர்களுக்கு,
முதலில் எங்களின் நெஞ்சார்ந்த நன்றிகள்..
இந்த வலைப்பூ-இல் உள்ள
அனைத்து பதிவுகளை படித்து,
மிகச் சரியான மதிப்பீடுகளை வழங்கியமைக்கு
நன்றிகள். எங்களுக்கு வேறு யாரும் வழங்கியிராத
ஆதரவு. உண்மையில் மெய் சிலிர்க்க வைக்கும்
தாய் அன்பு உங்களுடையது..
நன்றிச் சொல்ல வார்த்தைகளே
இல்லாது தீர்ந்துப்போன உணர்வு...
தங்கள் சுட்டிக்காட்டிய தவறுகளை
வெகு விரைவில் சரி செய்கிறோம்..
தொடர்ந்து வழிகாட்டுங்கள்..
தமிழ் மணத்தில் இணைய முயற்சிகளைத்
தொடங்கி விட்டோம்..

பாரத்... பாரதி... said...

வருகை தந்து வாழ்த்திய வைஜயந்திக்கு மிக்க நன்றிகள்..

பாரத்... பாரதி... said...

வி.என். தங்க மணி அவர்களின் வருகைக்கு நன்றிகள்.
உங்களுடைய வாழ்த்துக்களை மாணவிகளிடம் தெரியப்படுத்துகிறோம். வருகைக்கும், கருத்துரைக்கும் நன்றிகள்.

Follow by Email

ட்விட்டர் வரை உறவு...

பூக்கள் பறிப்பதற்கே...

அருகான்மை தோட்டங்கள்