காமெடி தர்பாரில் காங்கிரஸ் தேர்தல் அறிக்கை...

தேர்தல் பிரச்சாரம் நாளை மறுநாள் முடிய இருக்கும் வேளையில் தன்னுடைய தேர்தல் அறிக்கையை மிகவும் சுறுசுறுப்பாக வெளியிட்டு,
கோடை வெப்பத்தில் வாடும் தமிழக மக்களை, சிரிக்க வைக்கும் முயற்சியில் தங்கபாலு டீம் இறங்கியுள்ளதை நாம் வாழ்த்தி வரவேற்கிறோம். (பயபுள்ளைக என்னாமா காமெடி பண்றாங்க....) 


சரி, வாங்க... நிகழ்ச்சிக்கு போகலாம்..

காங்கிரஸ் தேர்தல் அறிக்கையின் முக்கிய அம்சங்கள்:


* மக்கள் நலனைக் கருத்தில் கொண்டு தமிழக அரசின் மூலம் தூய்மையான நிர்வாகத்தை வழங்க பாடுபடுவோம்.


ஊழல் என்றாலே காங்கிரஸ், காங்கிரஸ் என்றாலே ஊழல் என்று ட்ரேட் மார்க் வாங்கி விட்ட பின், எதற்காக இதனை சொல்கிறார்கள் என்று தெரிய வில்லை, ஒரு வேளை திமுகவிற்கு வாக்களிக்க வேண்டாம் என்று மறைமுகமாக சொல்கிறார்களோ என்னவோ..


* லஞ்சக் கொடுமை, நிர்வாக திறமையின்மை வேரறுத்து ஒழிக்கப்படும்.


இது தான் ஹைலைட் காமெடியாகத்தெரிகிறது. மன்மோகன்சிங்கை மனதில் கொண்டு, இந்த வரிகளை சோனியா சேர்ந்திருக்ககூடும் போல..நிர்வாக திறமையின்மை என்பது மண்ணு மோகனின் தனி சிறப்பம்சம் என்பதும், லஞ்சக் கொடுமை என்பது வீக்கிலீக்ஸ் வரை சந்தி சிரித்த விஷயம் தானே. (இதைத்தான் காலக்கொடுமை என்று சொல்வார்களோ?)


* சேது சமுத்திர திட்டம், தென்னக நதி நீர் இணைப்பு, முல்லைப் பெரியாறு, காவிரி உள்ளிட்ட நதிநீர் பிரச்னைகளுக்கு தீர்வு காணப்படும் போது, தமிழகம் முதன்மை மாநிலமாக செயல்படும் என்பதை உணர்ந்திருக்கிறோம்.
* காந்தி, காமராஜர் வழியில் எல்லோருக்கும் கல்வி, எல்லோருக்கும் மருத்துவம், எல்லோருக்கும் வேலை என்ற கனவுகளை நிறைவேற்ற தமிழக அரசுடன் இணைந்து செயல்படுவோம்.


அடப்பாவிகளா? இப்ப கூட மத்தியிலும், மாநிலத்திலும் உங்க கூட்டத்தின் ஆட்டம் தானே நடக்கிறது, ஏன் இது வரை செய்யவில்லை. தேர்தல் சமயத்தில்  "உணர்ந்திருக்கிறோம், செயல்படுவோம்" என்று ஓம் போட்டால்  என்ன அர்த்தம். 


* காந்தி, காமராஜர் வழியில் எல்லோருக்கும் கல்வி, எல்லோருக்கும் மருத்துவம், எல்லோருக்கும் வேலை என்ற கனவுகளை நிறைவேற்ற தமிழக அரசுடன் இணைந்து செயல்படுவோம்.


பொதுவா தமிழக அரசு- சொல்றீங்க. ஒரு வேளை அதிமுக ஆட்சி வந்தால், அந்த பக்கமும் பாய தயாரா ஐடியா பண்ணுறீங்களா?
(ஒரு அறுபது சீட்ல ஜெயித்தாலே, அந்தம்மா மதிக்காது, நீங்க மண்னு திங்க போற ஆளுக.. எப்படி அந்தம்மா மதிக்கும்?)

 **************************************************************************** 
வழக்கமாய் காங்கிரசில் தொகுதி பட்டியல், வேட்பாளர் பட்டியல் என எதை வெளியிட்டாலும், சத்தியமூர்த்தி பவனில் பெரும் கலவரமே நடக்கும், ஆனால் தேர்தல் அறிக்கை வெளியிடப்பட்டுள்ள இன்று ஒரு பிரச்சனையும் இருக்காது. காங்கிரஸ் தேர்தல் அறிக்கை வெளியிடுவதால், யாருக்கும் பிரயோசனம் இருக்காது என்பது காங்கிரசில் உள்ள அனைத்து கோஷ்டிகளுக்கும் நன்றாக தெரியும், மக்களுக்கும் நன்றாகத்தெரியும். 
(எடைக்கு பேப்பர் வாங்குபவர்கள் காங்கிரஸ் தேர்தல் அறிக்கையை சீண்டுகிறார்களா என்பது எமக்கு தெரியவில்லை, யாருக்கேனும் தெரிந்தால் சொல்லவும்)

இவர்களை நம்பி புது வாக்காளர்கள் ஏமாறாமல் இருந்தால் போதும்.

திமுகவின் தேர்தல் அறிக்கை கதாநாயகி என்றால் அதிமுக தேர்தல் அறிக்கை  கதாநாயகன் என்றால், காங்கிரசின் தேர்தல் அறிக்கை என்ன என்பதை உங்கள் முடிவுக்கே விட்டுவிடுகிறோம்.(ஷ்ஷ்ஷ்...அப்பா...) 

லாஸ்ட் பஞ்ச்:


அரத பழசான வார்த்தைகளை வைத்து  பார்த்தால் பழைய தேர்தல் அறிக்கையையே திருப்பி கொடுத்தமாதிரி இருக்குது, அது எதுக்கு இவ்வளவு நாள்??